Поддержать нас
Беларусы на войне
  1. В Минске в медцентре умер пациент — СК
  2. «Убедительно просим вас помочь». Многодетная минчанка попросила у Лукашенко машину
  3. У забора резиденции Лукашенко вырос небольшой квартал «для своих». Даже у магазина там непростые владельцы
  4. Самый успешный рекламный слоган XX века. Как одна компания убедила мир, что любовь измеряется бриллиантом на кольце
  5. Политологу Алине Харисовой сделали предложение — она сказала «да». Кто ее избранник
  6. В Беларуси нашли еще одну собаку с отрубленными лапами — теперь в Витебске. Это второй случай за неделю
  7. Беларусы массово ищут в Google «военнообязанный». В чем причина?
  8. «Доллар как сбережение семейного капитала уходит в прошлое». Финансовый аналитик сделал прогноз по валютному рынку до конца 2026 года
  9. Беларусский политический аналитик рассказал о попытке вербовки со стороны КГБ
  10. Будущих призывников больше не будут отправлять в спецгруппу по физкультуре. Минздрав поменял правила для школ и вузов
  11. Вы слышали имя Шир Хайт? Она написала книгу о том, как получают оргазм женщины — за это ее затравили так, что пришлось уйти в тень
  12. Этим беларусам нельзя будет выгуливать собак. Правительство намерено ужесточить правила для владельцев животных
  13. Актриса обвинила в сексуализированном насилии актера Депардье и писателя Уэльбека
  14. В Беларуси появилась новая сеть магазинов зоотоваров — в каких городах их открыли


У верасні і кастрычніку ў Батумі, Варшаве, Вільнюсе і Беластоку адбудзецца штогадовы фестываль інтэлектуальнай кнігі PRADMOVA. Праграма з’явілася на сайце арганізатараў.

Афіша фестываля «PRADMOVA-2023». Фота: pradmova.eu
Афіша фестываля PRADMOVA-2023. Фота: pradmova.eu

Фестываль стартуе ў грузінскім Батумі (30 верасня — 1 кастрычніка). Госці змогуць атрымаць асалоду ад лекцый, літаратурных дыскусій і «Паэтычнага варушняка». З падзей адзначым прэзентацыю кнігі «Беларуская нацыянальная ідэя 3: на вайне» з удзелам пісьменнікаў Стася Карпава, Святланы Курс і Аляксандра Чарнухі, а таксама інтэрактыўную лекцыю «Песні беларускага супраціву» з удзелам Змітра Бартосіка і Змітра Зайко.

Наступным прыпынкам стане Варшава (6−9 кастрычніка). Тут удзельнікі фестывалю змогуць сустрэцца з вядомымі аўтарамі, паразважаць пра нацыянальную ідэю і будучыню тэатра, паглядзець і абмеркаваць з аўтарамі і рэжысёрамі тэатральныя пастаноўкі, а таксама наведаць вялікі канцэрт беларускай музыкі. З падзей адзначым дыскусію-прэзентацыю кнігі «Чаму Беларусь не Расея?» з аўтарам Сяргеем Абламейкам. Прэзентацыя зборніка апавяданняў Альгерда Бахарэвіча «Ператрус у музеі» і беларускага перакладу дакументальнай кнігі «Мінскі дзённік. 2020−2021» Юліі Цімафеевай. А таксама прэзентацыя першай анталогіі беларускага гей-пісьменства «Мальцы выходзяць з-пад кантролю» з удзелам выдаўца Ігара Іванова.

Потым PRADMOVA адправіцца ў Вільнюс (14−15 кастрычніка), дзе адбудзецца дыялог беларускай паэзіі з паэзіяй краін Балтыі. З падзей адзначым лекцыю-прэзентацыю будучай кнігі «Іншая гісторыя савецкага беларускага кіно. Даследчыя сюжэты» і дыскусію «Літва ці Летува: спрэчныя пытанні беларуска-літоўскіх стасункаў у гісторыі і феномен ліцвінізму».

Фестываль завершыцца ў Беластоку (28−29 кастрычніка), дзе літаратурныя сустрэчы будуць спалучацца з абмеркаваннямі, прэзентацыямі кніг і дыскусіямі. З падзей адзначым лекцыю Марыны Казлоўскай пра «Дзікае паляванне караля Стаха» Уладзіміра Караткевіча: ці (як) варта перачытваць школьны белліт? і дыскусію пра турэмную літаратуру з удзелам Уладзіміра Някляева, Алега Груздзіловіча і Таццяны Нядбай.

Для тых, хто не зможа прысутнічаць на мерапрыемствах ужывую, PRADMOVA прапануе магчымасць далучыцца да фестывалю ў анлайн-фармаце (21, 22 і 30 кастрычніка).